Испитување на громобранска инсталација
Системот за заштита од атмосферски празнења се испитува на секои пет години, по истиот Прилог 1 од Правилникот за користење на електроенергетски постројки и електрична опрема како и заштитното заземјување. Бидејќи роковите се совпаѓаат, двете испитувања најчесто се вршат во иста посета. Техничкиот преглед и периодичното испитување на овие системи се во обемот на акредитацијата ИТ-127.
Што опфаќа услугата
- Визуелен преглед на прифатниот систем — стапови, мрежа и прифатни спроводници
- Преглед на одводните спроводници и на нивните споеви
- Проверка на мерно-раставните споеви
- Мерење на отпорност на распространување на громобранскиот заземјувач
- Проверка на континуитетот на целиот систем
- Проверка на изедначувањето на потенцијалите и на пренапонската заштита
- Оценка на состојбата на корозија на видливите елементи
- Извештај со наод и мислење и утврден следен рок
Оваа услуга е во обемот на акредитацијата ИТ-127 по МКС EN ISO/IEC 17020:2012, Тип А.
Како изгледа процесот
Преглед на документацијата
Ја разгледуваме проектната документација на инсталацијата и претходните извештаи, ако постојат.
Визуелен преглед
Прифатен систем, одводни спроводници, споеви и мерно-раставни места — најчестите наоди се корозија и прекинат спој.
Мерења
Отпорност на распространување на заземјувачот и континуитет на системот, со METREL инструменти.
Извештај
Акредитиран извештај со наод и мислење. Најчесто се издава заедно со извештајот за заштитно заземјување.
Често поставувани прашања
Колку често се испитува громобранската инсталација?
На секои пет години, по Прилог 1 од Правилникот за користење на електроенергетски постројки и електрична опрема (Сл. весник на РМ бр. 140/2010, изменет со бр. 54/2011) — истиот рок како и за заштитното заземјување.
Може ли двете испитувања да се направат заедно?
Да, и препорачливо е. Роковите се совпаѓаат, па двете испитувања се вршат во иста посета, што го намалува трошокот и бројот на прекини во работата.
Што ако објектот нема громобранска инсталација?
Дали инсталација е потребна се утврдува со проценка на ризик од атмосферски празнења за конкретниот објект, врз основа на неговата намена, локација и содржина. Испитување се врши на изведена инсталација.
Побарајте понуда за оваа услуга
Опишете ни ја состојбата во вашата фирма и ќе добиете конкретна понуда со рок на изведба.