Периодични мерења во работната средина
Работодавачот е должен во работните и помошните простории во кои се одвиваат технолошките процеси да врши испитување на хемиските, биолошките и физичките штетности, микроклимата и осветленоста. Мерењата ги вршиме со сопствена опрема, а испитувањето на бучава, осветленост и микроклиматски услови е во обемот на нашата акредитација ИТ-127 по МКС EN ISO/IEC 17020:2012.
Што опфаќа услугата
- Микроклима — температура, релативна влажност и брзина на струење на воздухот (акредитирана метода)
- Осветленост на работните површини (акредитирана метода)
- Бучава во работна средина (акредитирана метода)
- Вибрации — на шака-рака и на цело тело
- Хемиски штетности — прашина, органски и неоргански гасови и пареи
- Споредба со обврзувачките гранични вредности за професионална изложеност
- Извештај со наод и мислење, со заклучок за секое мерно место
- Предлог мерки таму каде вредностите ги надминуваат граничните
Оваа услуга е во обемот на акредитацијата ИТ-127 по МКС EN ISO/IEC 17020:2012, Тип А.
Како изгледа процесот
План на мерни места
Мерните места ги изведуваме од проценката на ризик и од распоредот на работните места — се мери таму каде вработените навистина стојат.
Мерење во работни услови
Мерењето се врши при вообичаено оптоварување на процесот, зашто вредностите при мирување не кажуваат ништо за изложеноста.
Оценка спрема граничните вредности
Резултатите се споредуваат со обврзувачките гранични вредности од прописот, со јасен заклучок за секое мерно место.
Извештај и мерки
Добивате извештај со наод и мислење. Каде има пречекорување, предлагаме технички и организациски мерки по приоритет.
Често поставувани прашања
Дали мерењата мора да се повторуваат на секои три години?
Не. Тригодишниот циклус што бранша го цитира потекнува од Правилникот 26/1967, кој е ставен вон сила со член 12 од Правилникот за хемиски супстанци (Сл. весник на РМ бр. 46/2010). Важечкиот закон бара прво испитување во рок од една година од започнувањето со работа и ново по секоја промена; редовниот интервал се утврдува според проценката на ризик.
Кои мерења се акредитирани?
Во обемот на акредитацијата ИТ-127 по МКС EN ISO/IEC 17020:2012 се периодичното испитување на бучава, испитувањето на осветленост и испитувањето на микроклиматските услови — температура, релативна влажност и брзина на струење на воздухот.
Како мерењата влијаат врз здравствените прегледи?
Измерените вредности ја одредуваат содржината и периодичноста на прегледите. При изложеност на бучава од 85 dB(A) или повеќе првиот периодичен преглед е по 12 месеци, потоа на секои 18; при 90 dB(A) или повеќе — по 6 месеци, потоа на секои 12 (Уредба, Сл. весник на РМ бр. 60/2013, Прилог 5).
Колку долго трае мерењето кај нас?
Зависи од бројот на мерни места и од видот на штетноста. Микроклимата и осветленоста се брзи, додека мерењето на изложеност на бучава и на хемиски штетности бара покривање на репрезентативен дел од смената.
Побарајте понуда за оваа услуга
Опишете ни ја состојбата во вашата фирма и ќе добиете конкретна понуда со рок на изведба.