Проценка на ризик
Основниот документ на целиот систем за безбедност — за секое работно место, со мислење од синдикатот или претставникот на вработените.
Услуги
Дваесет и четири стручни услуги, групирани во три области. Секоја се врши врз основа на овластување од министерството или врз основа на акредитацијата ИТ-127.
Законот за безбедност и здравје при работа важи за сите дејности во јавниот и приватниот сектор, без праг според број на вработени. Канцеларија, продавница, ресторан и градилиште подеднакво влегуваат во опфатот. Подолу се стручните работи што ги вршиме врз основа на овластувања издадени од МТСП (денес Министерство за економија и труд) и врз основа на акредитацијата ИТ-127.
Стручно лице за БЗР
Наместо да вработите и обучите сопствен кадар, ја преземаме улогата на стручно лице со сите обврски што таа ги носи.
Обуки за БЗР
Обука при вработување, преместување, воведување нова технологија и промена на процесот — со уверенија и уредна евиденција.
Противпожарна обука
Практична обука со реално гаснење — вработените го држат апаратот во раце, не само го гледаат на слајд.
Работа на висина
Практична обука со инструктор со над 20 години искуство во работа на висина и заштита од пад.
- ИТ-127
Мерења во работна средина
Микроклима, осветленост, бучава, вибрации, хемиски штетности и прашина — со извештај што ги издржува инспекциските проверки.
Испитување на опрема
Редовно тестирање и контрола на средствата за работа — со овластување од министерството и уредна евиденција.
- ИТ-127
Заштитно заземјување
Акредитирана метода по ИТ-127. Законскиот рок е јасен и фиксен — на секои пет години.
- ИТ-127
Громобранска инсталација
Акредитирана метода по ИТ-127, со ист законски рок како заземјувањето — на секои пет години.
План за евакуација
Планот на ѕид е законска обврска; вежбата е она што покажува дали планот функционира.
БЗР на градилиште
План за БЗР, известување до Инспекторатот и координатор — задолжителен на секое градилиште со повеќе од еден изведувач.
Бенефициран стаж
Стручна документација со која се докажува дека работното место ги исполнува кумулативните услови од Законот за ПИО.
Правилници за БЗР
Интерни акти и евиденции во форма што ја издржува инспекциската проверка — не преземени обрасци.
Преглед на ЛЗО
Годишниот преглед по EN 365 е обврзен и се повторува. Опремата што паднала на преглед не смее да остане во употреба.
Системи за заштита од пад
Анкери, хоризонтални линии и системи на покриви, силоси и индустриски објекти — од планирање до годишна инспекција.
Секоја дејност што може да влијае врз животната средина има обврска пред да започне со работа да прибави одобрение — елаборат, решение за ОВЖС или интегрирана еколошка дозвола, зависно од активноста и капацитетот. Работењето без одобрен документ носи највисоките глоби во македонското еколошко законодавство. Изработивме над 600 елаборати и 59 интегрирани еколошки дозволи.
Елаборат за животна средина
Задолжителен пред започнување со работа. Работењето без одобрен елаборат носи глоби од 9.000 до 98.000 евра.
ОВЖС студии
За проекти со значително влијание. Изработена од експерти впишани во листата на МЖСПП.
СОЖС
За планови и програми, не за поединечни проекти. Водевме СОЖС за ЛЕАП Охрид 2019–2025 — УНЕСКО подрачје.
Интегрирани еколошки дозволи
Дали ви треба А или Б не зависи од големината на фирмата, туку од активноста и капацитетот. Изработивме 59 дозволи.
Управување со отпад
Програма, евиденции, известувања и класификација — плус услуга управител со отпад.
Мерењата се доказот дали инсталацијата ги почитува граничните вредности од дозволата или од прописот. Ги вршиме со сопствена опрема — TESTO, SICK, Cirrus, Brüel & Kjær, METREL — и издаваме извештаи што надлежните органи ги прифаќаат. Испитувањето на бучава и осветленост е во обемот на акредитацијата ИТ-127.
Емисии и имисии
Мерење на емисии од оџаци и на квалитетот на амбиентниот воздух, со сопствени TESTO и SICK анализатори.
- ИТ-127
Бучава во животна средина
Акредитирана метода по ИТ-127, со звукомер од класа I. Мерење во дневен, вечерен и ноќен период.
Прашина PM10
Прашина во работна средина и PM10 во амбиентен воздух — со Gray Wolf IQ-410 и HYGITEST опрема.
Отпадни води
Земање примероци и испитување на технолошки и санитарни отпадни води, спрема условите од дозволата.
Не знаете кои обврски ги има вашата фирма?
Кажете ни со што се занимавате и колку вработени имате. Ќе ви вратиме список со обврските што законот ви ги наложува — без обврска за ангажман.